.:Nova Fronteira:.

O patrón da nosa diocese chámase San Rosendo. Naceu no 907, e tivo unha fonda pegada en Galicia, sobre todo na diocese de Ourense e Mondoñedo-Ferrol. Agora, estamos a punto de conmemorar o XI centenario do seu nacemento, e a maquinaria da nosa diocese púxose a traballar para celebrar a data como se merece.

San Rosendo non é un santo moi coñecido, aínda que si admirado, ó que moitas persoas en Galicia lle teñen unha grande devoción. Con este XI Centenario a nosa diocese, en colaboración con todas as de Galicia (en especial coa de Ourense) pretende achegar a figura deste santo a todos os diocesanos, e para iso teremos un Ano Xubilar, no que se enmarcarán diversas actividades: dende obras sociais ata congresos, exposicións, e mesmo un selo de correos.

Pero…¿quen é San Rosendo? O delegado do bispo para o centenario, Segundo Pérez López (coñecido xa de NF) resume en poucas palabras unha biografía cargada de grandes feitos: “foi bispo de San Martiño de Mondoñedo (Foz) Iria ( Santiago de Compostela) e promotor da fundación de numerosos mosteiros por todo o territorio do Noroeste peninsular, sendo a súa fundación emblemática o mosteiro de Celanova (Ourense) onde falecería o día 1 de marzo de 977. Esta abadía foi centro de referencia para máis de cincuenta mosteiros e priorados de toda España. Foi canonizado a finais do século XII polo cardeal Xacinto, legado pontificio, quen en chegando a Papa estendeu o seu culto para toda a Igrexa”. (sigue lendo).

Segundo Pérez, rector do Seminario Maior e do Instituto Teolóxico Compostelán dirixe unha comisión nomeada polo bispo, Manuel Sánchez Monge, na que hai dende estudiosos e académicos ata xornalistas ou párrocos de numerosas parroquias. Este grupo de traballo púxose en marcha hai meses para preparar o ano Xubilar que comezará tras o verán. Nel poderemos disfrutar dun amplo programa de actividades que xa adianta a páxina web creada para o centenario.

Os medios de comunicación xa se fixeron eco do centenario, comezando por Dumio, o suplemento diocesano de La Voz de Galicia, que lle adica un espacio relevante ó centenario. Nel podemos atopar unha entrevista con Segundo Pérez, a carta do bispo anunciando o centenario e unha primeira versión do programa. Podes acceder a toda a información sobre o centenario dispoñible na rede na web creada para tal fin.

.:Diocese:. Web especial para o XI Centenario do nacemento de San Rosendo

Chéganos a convocatoria do Camiño de Santiago que organiza Dedinex, a Delegación de Pastoral de Infancia e Xuventude da diocese de Mondoñedo-Ferrol.

O camiño de Santiago está dirixido a todo aquel xove maior de 16 anos, con espíritu peregrino, que queira pasar uns días de convivencia con máis rapaces. As datas son, do 30 de xullo ata o 6 de agosto, saído dende Vilalba, lugar polo que pasa a ruta Norte.

Para participar, ademáis de ter que estar dispostos a camiñar 100 km, é preciso levar a tarxeta sanitaria, DNI e todos os útiles necesarios.

As prazas son limitadas, polo que se recomenda a inscrición canto antes, mandando unha carta cos datos persoais (nome completo, enderezo e teléfono) a: Delegación de Pastoral Xuvenil; R/ As Pedreiras s/n. 27800 Vilalba, Lugo.

Máis información no teléfono 982510406

Unha das actividades “estrela” do verán diocesán terá lugar en Lourenzá do 14 ó 23 de xullo. O campamento diocesán 2006 vai dirixido a rapaces de oito a dazaseis anos, que queiran pasar uns días distintos, de xogos, convivencia e fe con outros rapaces de moitos lugares distintos.

O prezo do campamento é de 80 € (tamén hai becas), e nel os rapaces terán tempo a facer talleres, ir á piscina, facer xogos de todo tipo, coñecer amigos… Todo nun clima de festa, e cos valores cristiáns como telón de fondo.

Se queres máis información, has de chamar ós seguintes teléfonos: 982521000 ou 636010678, ou ben mandar un correo electrónico a campadiocesano@hotmail.com.

Para facer a preinscrición, has de mandar unha carta a este enderezo electrónico ou ó Apdo. 33 de Mondoñedo, CP: 27740, cos seguintes datos: nome do rapaz, curso, enderezo postal completo, teléfono, data de nacemento, parroquia, medicación que toma e alerxias.

Como as prazas son limitadas, cómpre enviar a solicitude de preinscrición antes do 19 de xuño.

Baixo o lema “Ditosos coma Ti” a Igrexa tera presente este domingo tódalas vocacións cristianas. A XLIII Xornada de Oración polas Vocacións, quere ser este ano unha chamada a mirar a figura dun Xesús cercano a xente máis necesitada. Fundamentar a entrega da propia vida na misericordia, e dicir no amor ós demais, e un acerto desta campaña. A misericordia, etimoloxicamente ter un corazón pobre, é unha practica pouco valorado hoxe, pero afín a tódalas voacións cristiás. Que a Igrexa dedique este IV Domingo de Pascua e rezar polas vocación é un feito ben importante para que todos e todas nos plantexemos e renovemos a nosa propia vocación.

Renovar a vocación precisamente dende esa misericordia de Deus, como nos amosa todo o evanxeo de Lucas, o amor entrañable de Deus. Ser misericordiosos coma Tí, non debera quedar nun simple lema desta xornada, senón que debería ser o lema que encabezase a nosa propia vida. Ser misericordiosos coma Deus e o fundamento desa fe viva, resucitada e pascual que estamos a celebrar

Toda vocación nace precisamente dese misterio pascual que inunda a vida do ser cristián. Aproveitemos esta xornada de oración para enchernos da misericordia de Deus. Ogallá que saibamos estar abertos á vocación a misericordia.

Jesús, Buen Pastor,
queremos seguir tus pasos.
Danos tu Espíritu,
para aprender a vivir en la misericordia.
Ayúdanos a descubrir la gratuidad de tu amor,
entrega generosa, don de vida que se regala.
Queremos compartir tu sueño
de construir un mundo justo,
donde exista igualdad
y una fraternidad real,
donde haya pan para todos
y la libertad sea una luz
que ilumine a todos las personas.
Danos tu Espíritu, Jesús, Buen Pastor,
para perseverar
en nuestra búsqueda,
para seguir en camino,
para animarnos a la esperanza activa
de hacer un Reino de paz
y de bondad para todos.
Jesús, Buen Pastor,
que pasaste haciendo el bien,
viviendo la misericordia
en la atención a los enfermos,
en la búsqueda de los marginados,
en la denuncia de las injusticias,
en la apertura al Dios de la vida,
en la enseñanza paciente

O Festival da canción vocacional de As Pontes xa está aquí. En dous días, decenas de grupos parroquiais ou grupos creados “ex profeso” competirán nunha xornada de festa cantando temas que xiren en torno ó lema “Eh! Alguén te espera”.

O ano pasado non houbo concurso, ó se cumpliren dez anos dende que esta iniciativa botou a andar. Este ano, e xa co formato habitual, centos de persoas se congregarán na igrexa do poboado. Como sempre, haberá dúas categorías, infantil e xuvenil, como explican as bases. As cancións do primeiro grupo interpretaranse pola mañá, mentres que as dos participantes de 14 anos en adiante resoarán na igrexa tralo xantar. O xurado do festival está constituido por un representante de cada grupo que deberá valorar as cancións dos seus compañeiros.

Ademáis, haberá unha eucaristía compartida e un concerto-testimonio para rematar a xornada.

Este festival, xunto con outros como o de Ourense, é unha mostra de evanxelización dende a música, e de cómo se pode pasar unha xornada festiva, coñecer xente de moitos lugares e compartir a fe en comunidade.

A continuación, o horario do festival, que nos pasa a Delegación de Pastoral Vocacional:

10,00.- Chegada e acollida
10,30.- Saudo. Oración
(mentras reúnense os representantes dos grupos para sorteo e indicacións)
11,30.- Actuacións sección infantil
12,30.- Ensaio cantos
13,00.- Celebración
14,00.- Xantar
16,30.- Actuacións sección xuvenil
18.30.- Descanso. Merenda
19,00.- Concerto –Testemuño (Rogelio Cabado)
20,00.- Entrega de premios e diplomas ós participantes. Despedida

Cóntannos dende a delegación que o bispo, Manuel Sánchez Monge, achegarase ó festival nalgún momento do día, para ver a marcha da actividade e falar cos participantes.

Dende NF tentaremos estar presentes, e contárvolo para que o que non poida ir si estea dalgunha maneira no festival. Que gane o mellor!

.:NF:. As Pontes 96; un canto á vida
.:NF:.Eh! alguén te espera
.:NF:. Bases do Festival da canción vocacional (inscrición xa pechada)
.:NF:.As Pontes, igrexa xove que comparte a súa fe

*Por Sonia González

A miña experiencia no Festival da Canción Vocacional de As Pontes faise, cada ano, inesquecible. Hai tempo que veño de participar nel, primeiro de forma indirecta e, posteriormente, asistindo e vivíndoo en primeira persoa.

¿Que vos podería contar?

Pois… que hai moito de Igrexa Xoven, porque os rapaces e rapazas dan cor e savia nova ao grupo dos que nos dicimos seguidores de Xesús.

Hai moito de compartir a fe, porque a xente que adicamos parte do noso tempo e da nosa vida a transmitir o noso sentir por medio da canción, non facemos mais que regalar unha vivencia moi persoal da nosa fe.

Hai moito de testemuño por parte de todos os que, ano tras ano, se achegan a cantarnos e a compartir a súa palabra.

Hai moito de festa porque, si o Espíritu de Xesús vennos de dar alegría no corazón, compre agasallar a todos con esa alegría nun fermoso día de festa.

E tamén hai moito de agradecemento: a Deus pola Fe, á Igrexa porque é nai que acolle sempre, á Diócese por contar con nós, e a todos os que fan posible o Festival por creer que sempre hai unha palabra que decir en prol do Evanxeo de Xesús.

Só me queda unha cousa: seguir animando a todos a participar nun estupendo encontro que dun xeito ou outro vai marcando o noso camiño.

.:NF:. Eh, alguén te espera
.:NF:. As Pontes 96: Xesús, un canto á vida, por Antonio Valín
.:NF:. Bases do XI Festival da Canción Vocacional

No ano 96 arrancaba na nosa diocese unha inciativa nova para nós: organizar un festival de canción infantil-xuvenil (anque nas primeiras edicións participaron grupos non tan xoves), e facíao co lema Xesús, un canto á vida. O motivo era xuntarnos os distintos grupos que animan nas parroquias, colexios, grupos,… e ó redor da figura de Xesús de Nazaret, reflexionar, cantar, festexar… A resposta foi alucinante: cada ano participaban en torno ós 20-25 grupos e o encontro era un día completo de cancións, celebracións, concertos, festa e moitos amigos. Non só xugabamos na casa senón que grupos das dioceses veciñas tamén se animaron, e sempre co remate dun concerto dalgún grupo coñecido de música relixiosa. Xente como Brotes de Olivo, Javi Sánchez, Luis Alfredo, Luis Guitarra,… achegábanse ata o Festival, compartían connosco as súas cancións a súa experiencia de fe. Unha gozada!

Coa edición desta ano, xa van once, e o grupo que está detrás, anque foi cambiando algo, segue co mesmo entusiasmo de sempre. Para moitos, o encontro do Festival de As Pontes xa forma parte das nosas axendas persoais, e non só como un traballo, senón como unha oportunidade de atoparte con xente, de coñecer e facer novos amigos, de pasar un día a tope, de afondar na figura de Xesús, na súa chamada a cada un, no que el dixo, de orar… de rachar co de tódolos días e facer algo distinto.

Xuntámonos moita xente, pero entre todos hai un “sentimento” común: queremos cantarlle á vida, sentímonos vivos e queremos compartilo, e queremos cantar que hai Alguén, un tal Xesús, que nos anima, El é o canto á vida.