.:Nova Fronteira:.

A verdade é que non se ve moito o folleto informativo, polo que aquí vai o resto:

+ Concertos de Martín Valverde:
Venres, 20 febreiro: Cine Salesianos, de Vigo. 20.30 h.
Domingo, 22 febreiro: Auditorio de Vimianzo. 19.00 h.

As entradas pódense conseguir anticipadamente a través das Delegacións diocesanas de P. Xuvenil, na Librería “Egeria” de Santiago e na Librería Salesiana de Vigo.

+ Curso de Música: sábado, 21 febreiro no Centro Xoan Paulo II do Monte do Gozo en Santiago. 9.30 – 18.00 h.

+ Curso de formación para animadores, catequistas, xoves, monitores,…: 23 de febreiro, na Casa de Exercicios de Santiago. 10.30 – 19.30 h.

Para calquera consulta ou para apuntarse: dedinexmf@yahoo.es

Por decimoterceiro ano consecutivo mozos e non tan mozos de toda a nosa Diocese déronse cita o sábado 26 de abril na Igrexa do Poblado de As Pontes, para participar no Festival da Canción Vocacional, que organiza a delegación Diocesana de Pastoral Vocacional.

O lema deste ano era: Pon voz á esperanza!!, entendido como unha chamada que Deus nos fai a ser a súa voz, a pronunciar sempre unha palabra de esperanza cristiá, a anunciar incansablemente a Boa Nova da Salvación, tendo en conta a última encíclica de Benedicto XVI (Spe Salvi).

Ás dez e media da mañá comezaron a chegar os primeiros participantes. Todo estaba a punto para acollelos e pasar xuntos un día de ledicia, festa e convivencia, unidos pola música. Entre participantes e acompañantes chegaron ata As Pontes unas 250 persoas.

Despois duns minutos de oración, tivo lugar a actuación dos grupos da categoría infantil e o grupo gañador da categoría xuvenil do ano pasado, tras do cal tivemos a celebración da Eucaristía á última hora da mañá. Despois do xantar actuaron os grupos da categoría xuvenil. Houbo tamén a oportunidade de escoitar o concerto que nos ofreceu Nico Montero, cantautor cristián coñecido en toda España.

No tocante a premios, cómpre sinalar que tódolos grupos participantes recibiron un diploma pola súa participación, un trofeo e un CD de Nico Montero. O xurado, coma en anos anteriores, estivo formado por representantes de cada un dos grupos participantes, e por colaboradores da Delegación de Pastoral Vocacional entendidos en música. O primeiro premio da categoría infantil foi para o grupo do Colexio Xesús Maestro de Ferrol, das Discípulas de Xesús, de Ferrol. Na categoría xuvenil os tres grupos participantes decidiron que as súas actuacións non entrasen en concurso, compartindo as súas cancións pero evitando competir entre eles.

Hai dúas semanas celebrouse en As Pontes o Festival da Canción Vocacional. Reproducimos a continuación unha crónica do que deu de si esa xornada festiva e musical:

Por decimosegundo ano consecutivo mozos e non tan mozos de toda a nosa Diocese déronse cita o sábado 21 de abril na Igrexa do Poblado de As Pontes, para participar no Festival da Canción Vocacional, que organiza a delegación Diocesana de Pastoral Vocacional.

O lema deste ano era: Colle o testigo!! En referencia a que a fe é algo que recibimos de tantos cristiáns que nos precederon, este ano recordamos de xeito especial a San Rosendo, e que, polo tanto, é algo que tamén debemos transmitir.

Ás dez da mañá comezaron a chegar os primeiros participantes. Todo estaba a punto para acollelos e pasar xuntos un día de ledicia, festa e convivencia, unidos pola música. Entre participantes e acompañantes chegaron ata As Pontes algo máis de 200 persoas.

Primeiro os rapaces, despois os maiores

Despois duns minutos de oración, tivo lugar a actuación dos grupos da categoría infantil, tras do cal tivemos a celebración da Eucaristía á última hora da mañá. Despois do xantar actuaron os grupos da categoría Xuvenil. Houbo tamén a oportunidade de escoitar un pequeno concerto que nos ofreceron os irmáns Óscar e Javier Santiago Sanmartín, xa coñecidos por todos os asistentes.

No tocante a premios, cómpre sinalar que tódolos grupos participantes recibiron un diploma pola súa participación e un CD de Nico Montero, que era o artista invitado pero que a última hora non puido asistir. O xurado, coma en anos anteriores, estivo formado por representantes de cada un dos grupos participantes. O primeiro premio da categoría infantil foi para o grupo do Colexio Xesús Maestro de Ferrol, das Discípulas de Xesús, de Ferrol; e da categoría xuvenil levaron o primeiro premio o grupo “Tierra Prometida” de A Coruña.

Un ano máis por estas datas entre os temas de conversación aparece o do resultado do Festival de Eurovisión. Logo de visitar algunhas páxinas web que tratan sobre o mesmo e observando o eco nos noticiarios, eu sigo, un ano máis, convencido de que ó noso país non lle interesa gañar o dichoso festival… pero deixando a un lado a calidade da canción que nos representaba, a súa letra e o seu manifesto acento do sur peninsular… invítovos a que examinedes a canción de Finlandia, a gañadora do concurso.

Eu non entro na discusión do estilo musical, pero sí no contido da letra. Eu pregúntome si realmente somos conscientes das mensaxes e os contidos de moitas cancións de grupos e cantantes, en lingua extranxeira ou non, que a diario escoitamos.

Desta canción a min chámame a atención o seu carácter apocalíptico, fala de falsos profetas e de sinais como os que encontramos no Novo Testamento; pero as frases que máis resalto dela son “perdidos están los corderos sin la luz que los guía”, “para vencer los temores”, “desnuda ya tu alma”, “ahora elige” e “quien se atreve gana”, realmente para min significan unha invitación á reflexión dende a miña fe, cuestionarme o meu seguimento de Cristo, descubrir como na miña vida hai ás veces sombras e temores que debo vencer, para elo teño que espirme por dentro, teño que escoller, teño que atreverme… seguir á luz que me guía.

A letra da canción Hard Rock Hallalujah, aquí
Máis sobre o grupo Lordi
Máis sobre Eurovisión aquí, ou aqu.

Escoita ó tempo que navegas! Esta canción chámase Un plato fuerte, do grupo Harijans.

Harijans (MAC) xurdiu en Málaga en 1971 e que actualmente encóntrase en varias parroquias de Málaga e en zonas de misión de Venezuela e Ecuador.

Harijans é un grupo músico-vocal católico do Movemento de Acción Cristiá, que significa en hindú “fillos de Deus”. É a palabra de amor coa que Gandhi se dirixe ós parias, ós desprazados e últimos da sociedade india, ós que non contaban para nada. Harijans xurde como tal en 1989 no seo do MAC e o seu carisma é a evanxelización de nenos e xoves, especialmente os máis alonxados da Igrexa.

Na súa páxina web podemos coñecer o percorrido deste grupo e a súa producción musical, e o mellor é que podemos descargar non só as letras e acordes das cancións senón tamén os mp3 das mesmas.

Sobre a canción que escollín só comentar que é un indicativo do estilo fresco e xuvenil que ten este grupo, teñen as súas cancións ese bo sabor que deixa o anuncio do Evanxeo en tódalas súas modalidades, sempre facéndose novo, atrainte e transformador de realidades. É unha ocasión máis para coñecer novas realidades, proxectos, compromisos e sobre todo descubrir que non vamos sós no camiño da fe.

Un plato fuerte

Cojan lápiz y papel, apunten esta receta, de un plato que sabe a gloria y que huele a vida eterna:

1. Tiempo de preparación: dura toda la vida.
2. La dificultad será: según como se mida.
3. Del coste económico te digo de momento: que no es necesario ser rico y con fundamento.
4. Alto aporte energético.
5. Apto para diabéticos.
6. Para que este plato salga bien el secreto está en ponerle Fe.
7. Del congelador saca tu corazón, por lo demás la despensa se llama oración. Toma de allí la paciencia, la fe, la esperanza, el servicio, el amor.
8. Y un poquito perejil pa que de sabor, la sal serás tú, el salero Dios, pon a fuego lento tus pensamientos que si te quemas serás humo al viento.
9. Y un poquito perejil, la sal serás tú, ponte a fuego lento, no seas humo al viento.
10. A la hora de repartir: sirve tú la mesa.
11. Date a todos por igual: no hagas diferencias.
12. ¿Por qué si Dios es Padre y todos somos hermanos, unos mueren de hambre y otros comen a dos manos?
13. La vitrocerámica no funciona en África.
14. Todo corre a cuenta de un gran chef que quiere invitarnos a un buffet.
15. En el banquete del Reino de Dios los despreciados ocupan el puesto de honor.
16. Si algún hermano no tiene tu amor a este plato le falta sabor.

Escoita ó tempo que navegas! Esta canción chámase Tierra firme, interpretada por Tere Nécega.

Esta é unha desas cancións que levan comigo moito, moito tempo; fai creo que 20 anos asistín cun grupo de rapaces e rapazas a un encontro organizado en Silos por “Cristianos sin fronteras” era unha daquelas “Marcha de la alegría” que se facían a nivel nacional. Alí aprendín esta canción que deixou en mín un recordo imborrable. Desgraciadamente non sei o nome do seu autor [Actualización; 20,01: Sonia acláranos nos comentarios que a canción é do grupo "Getsemaní", que adoita poñerlle música a encontros misioneiros. ]

A canción fala do Xetsemaní de Xesús, dese momento duro e tremendo da súa vida, e a min resultame enormemente emocionante poder cantala. Ten unha letra fermosísima, invítovos a que lle adiquedes un pouco de tempo para lela e se pode ser a rezala…E a música axuda enormemente a facer oración pois potencia e suaviza os diferentes momentos.

“Tierra firme”…así estaba Xesús, a pesar de que nos poida parecer o contrario pola situación dramática do momento.

Escoita a canción, aprende a súa letra, fai oración con ela e descubre a través dela a ese Deus que é a verdadeira Tierra firme de Xesús.

Tierra firme, te siento en mis pies descalzos,
luna llena, testigo de mi llanto amargo.
Esta noche, reseca está mi alma, y pienso…
que este caliz no puedo consumirlo entero.

Cómo arrecia este viento, quiere empujarme a morir, no seré como hoja seca, mi otoño será vivir.

Siento que llega la hora, mis labio deben callar, sólo hablaré con mi cuerpo, quien mire comprenderá.

En esta noche de olivos, desierto de soledad, sólo una cosa te pido, se cumpla tu voluntad.

Xa pasou unha semana dende o Festival da Canción Vocacional de As Pontes. Hoxe ofrecémosvos as fotos e unha crónica aparecida en Dumio, que saiu o xoves pasado. Podemos completala nos comentarios.

¡Eh! Alguén te espera foi este ano o lema do xa tradicional Festival das Pontes. Por once ano consecutivo mozos e non tan mozos de toda a nosa Diocese déronse cita na Igrexa do Poblado, para participar no Festival da Canción Vocacional, que organiza a delegación Diocesana de Pastoral Vocacional, coa colaboración da parroquia de Santa María de As Pontes.

Ás dez da mañá comezaron a chegar os primeiros participantes. Todo estaba a punto para acollelos e pasar xuntos un día de ledicia, festa e convivencia, unidos pola música. Entre participantes e acompañantes chegaron ata As Pontes preto de oitocentas persoas [Actualización; 20,06 do 30/04: Fran G. Dopico, responsable de Pastoral Vocacional, acláranos nos comentarios que os seus datos indican unnha participación aproximada de 300 persoas].

Pola mañá actuaron os grupos da categoría infantil, rematando coa celebración da Eucaristía á última hora da mañá. Despois do xantar actuaron os grupos da categoría Xuvenil. Houbo tamén a oportunidade de escoitar, nun conceto-testemuño, a actuación do cantautor Rogelio Cabado

No tocante a premios, cómpre sinalar que tódolos grupos participantes recibiron un diploma pola súa participación. O xurado, coma en anos anteriores, estivo formado por representantes de cada un dos grupos participantes. O primeiro premio foi para o grupo que representaba ao Colexio O Pilar de Foz; o segundo foi para a Rondalla da Parroquia de San Bartolomeu de Cariño; e o terceiro premio foi para o grupo que representaba ao Colexio das Discípulas de Xesús de Ferrol.

.:NF:. Fotos do festival de As Pontes